Bîranîna Salvegera Çilemîn Ya Wefata Seydayê Cegerxwîn

Me bi hevkarîya Enstîtuya Kurdî ya Parîsê ji bona "Bîranîna Salvegera Çilemîn ya Wefata Seydayê Cegerxwînî" bernameyek li dar xist. Bernameyê bi pêşkêşîya Bêrîvan Matyarê  dest pê kir û bi axiftina Hevseroka Şaredarîya Bajarê Mezin ya Amedê Serra Bucakê û bi pêşwazîya Selîm Olçerî berdewam kir. Di bernameyê da, sînevîzyonek li ser jînenîgarîya Cegerxwînî, axiftinên kurt û xwendina helbestên Cegerxwînî, axiftina keça Cegerxwînî, Bonîye Cegerxwîn pêk hat. Di dawîya bernameyê da hunermend Erdînç Karahan stranên ku ji helbêstên Cegerxwînî hatine çêkirin pêşkêş kirin.