Weqfa ma seba ke eserê kulturê fekkî û folklorî bi metodanê rast û zanistîyan bêrê arêdayene û cigêrayene, aşmanê sibate û adare ya 2017î de kursêko hîrê hewteyan tertîb kerd. Nê perwerdeyî de ke vîst kesî beşdarê ci bîbî, kesanê pisporan yê wareyê folklorî dersê tewir-tewirî dayî. Kurso ke perwerdeyê babetanê sey tarîxê cigêrayîşê folklorê kurdan, fonolojîya kurdkî, metodanê xebatanê warî, nuştişê kelepuranê arêdayîşî, cîyayîyanê mabênê ziwanê nuştiş û qiseykerdişî ser o ame dayene, bi hawayêkê xeylê bifeydeyî qedîya. Prosesê kursî dima seba tewrebîyayoxan yê ke do xebatanê warî bikerê, hem bi tayînkerdişê şêwirmendan hem zî bi paştdayîşê teknîkî hetkarî ameye kerdene. Nînan reyde binê serbanê Weqfe de seba xebatanê folklorî odeyêk sey kitabxane û cayê xebate ameye tertîp kerdene ke cigêrayoxî bieşkê bixebitê û cigêrayîşan bikerê.
