Senedê Weqifî
Senedê Weqifî
WEQFÊ PERWERDE, ZANIST, HUNER, WEŞÎ Û KULTURÎ YÊ MEZOPOTAMYA
(WEQFÊ MEZOPOTAMYA)
SENEDÊ WEQFÎ
(NÎZAMNAME)
MADDEYA 1. NAMEYÊ WEQFÎ
Nameyê Weqfî; Weqfê Perwerde, Zanist, Huner, Weşî û Kulturî yê Mezopotamya yo. Bi kilmî, sey “Weqfê Mezopotamya” zî yêno name kerdene. Weqf, bi nameyê xo yê kilmî “Weqfê Mezopotamya” zî wayîrê heq û selahîyetê heme tewir muameleyanê huquqîyan o.
MADDEYA 2. MERKEZÊ WEQFÎ
Merkezê Weqfî Dîyarbakır de yo. Weqf, xebata xo na adrese de domneno: Mimar Sinan Cad. Aslan Apt. A Blok Kat: 4 No: 11 Yenişehir/DİYARBAKIR. Weqf, eke ganîyîyanê qanûnîyan bîyaro ca, şêno merkez û adresa xo bivur no, mîyan û teberê welatî de şûbe û temsîlkarîyan ako.
MADDEYA 3. AMANCÊ WEQFÎ
Amancê Weqfî nê yê:
a)Hetkarî biko ke ciwanê ma yê ke wazenê xo heme şaxanê perwerde, zanist, huner, weşî û kulturî de aver berîn, hêginîyanê xo pêşkêş bikîn; bibîn wayîrê fehmê zanist û hunerê azadîwaz, hemdem, neweyîwazî û hêgînîyanê etud û cigêrayîşan; bişêyîn unîversal bifikirîyîn, azadîya fikir û îfadekerdişî het, awanîya zafziwanî û zafkulturîya welatê ma û dorûverî binge bigîrîn; sere de dîskrîmînasyonê etnîk, ziwan, dîn, cinsîyet, kulturî, heme tewir dîskrîmînasyonî red bikîn; bi piştîyaxodayîşê zanayîşê zanistî, bibîn kesên roşn.
b)Seba peymitişê tesîrê cematkî yê sîyasetanê ekonomîk û cematkîyan û heme sîyaset û caardişanê bînan cigêrayîş û xebate kerdene, kanalîze û teşwîqkerdişê kesanê hêginan, bitaybetî ciwananê ke şênê derheqê neticeyanê negatîfan yê vera weşî, huzur û refahê cematî de çareyan bivînê.
c)Îmkan û binge bêro amade kerdene ke ciwanê ma, bi perwerde û banderîya ke do bi xebitnayîşê hacetanê perwerdeyî û teknolojîyê zanayîşî yê sîstemanê averşîyayîyan bivînîn, bibîn kesê winasî ke bişêyîn rexnegirane bifikirîyîn, bingeyê fikrê azadî ser o zanayîş û çareyan peyda bikîn, bibîn wayîrê taybetmendîyanê muteşebîsan û bextîyarîya merdiman xo rê bikîn hedef.
MADDEYA 4. XEBATANÊ KE WEQF SEBA AMANCÊ XO KENO
Weqf, seba ke amancanê xo yê ke maddeya 3. de nusîyayê bîyaro ca;
a)Dezgehanê henênan virazeno ke do hetkarî bikîn ke xizmetê perwerde û banderîye yê ke vera xo waranê perwerde, zanist, huner, weşî, spor û kulturî kenê yan zî nê waran de xebate kenê, biresê kalîte û berdarîya tewr hole; cigêrayîş, etud, proje û programan virazeno yan zî bi kesan û sazgehanê pisporan dano viraştene. Reyna sempozyûm, panel, semîner û xebatanê neteweyî û mîyanneteweyîyan yê ke eleqedarê nê babetan î organîze keno, beşdarê xebatanê organîzebîyeyanê winasîyan beno. Şêno cigêrayîş, etud, proje û heme xebatanê zanistîyan yê ke sempozyûm û pane lanê neteweyî û mîyanneteweyîyan de pêşkêş bîyê û dekewenê çarçewaya amancanê Weqfî, sey kitabî yan zî weşananê xo yê neperîyodîkan û perîyodîkanê sey kovar û bultenan de biweşano. Şêno xelate bido xebatanê ke qerarê weşanayîşê înan bêro dayene yan zî erjayeyê weşanayîşî bihesibîyê, sewbîna kes û dezgehan zî seba cigêrayîş û xebatanê zanistîyan yê winasîyan teşwîq keno.
b)Wendegehanê ke heme dereceyan de xizmetê perwerde û banderîye kenê sey yê qicxane, perwerdeyo verên, perwerdeyo mîyanên û wendegehanê perwerdeyê mîyanênî yê ke perwerdeyê meslekî kenê û dezgehanê perwerde-banderîye yê sey nînan akeno û xebitneno; bi amancê ke ciwanan biko wayîrê meharetê meslekî û ê sey elemananê mîyanênan yê zanayeyan hîna leze dest bi kar bikîn heme waran de dezgeh û kursanê ziwan û perwerdeyê meslekî akeno û xebitneno: seba ke waranê komelkî, kulturî û hunerî de xurtbîyayîşê wendekaran temîn biko merkezanê kulturî akeno, xebitneno, şêno bibo pardarê merkezanê kulturîyan yê ke estê. c)Weqf şêno tena yan zî bi hemkarî û pardarîya weqfanê bînan unîversîte û dezgehanê perwerdeyê berzî yê ke heme sewîye û waran de xizmetê perwerde û banderîye kenê ako.
d)Bê ke girêdayeyê unîversîteyêke yan zî enstîtuyêkê teknolojî yê berzî bibîn, waranê îhtîyacê ekonomî yê ke amancê ey kar nîyo de, seba mesleganê bellîkerdeyan, bi amancê resnayîşê hêzê merdimî yê mîyanênî yê bikalîteyî, wendegehê berzî yê meslekan bi taybetmendîyanê perwerdeyê berzî şênê bêrîn akerdene.
e)Seba temînkerdişê cayê tedemendişê wendekaran wargehanê wendekaran, pansîyon û keyeyanê wendekaran yan zî dezgeh û sazgehanê sey nînan akeno, şêno nînan bixebitno yan zî wendekaranê ke tesîsanê yê bînan de manenê rê hetkarîya peran biko û destek biko.
f)Derheqê ekonomî, sîyaset, huqûq û sîyasetanê sosyalan de cigêrayîşanê zanistîyan keno û/yan zî şêno bido kerdene.
g)Seba ke wendekarê qabîlîyetdar û muhtacê hetkarîya maddî perwerdeyê xo bikîn, Weqf şêno bi hawayanê cîya-cîyayan înan destek biko.
Şêno kesanê ke zere û teberê welatî de perwerde benê, lîsans de wanenê yan zî master û doktora kenê û kesanê ke sewîyeya mîyanneteweyî yan zî neteweyî de zanist, huner û waranê sey nînan de serkewtişo serên kar kerdo rê burs, xelate, teşwîq û sey nînan hetkarî û destekê pereyan û çîyanê bînan temîn biko.
h)Seba ke sewîyeya zanist, teknolojî, perwerde, kultur, huqûq, ekonomî û weşî ya welatî berz biko, rewşanê luzûmkerdeyan de şêno zere û teberê welatî de cigêrayîşan, xebatan biko û derheqê nê waran de hemkarî biko, xebatanê pardaran biko, dezgehan ako.
I)Weqf şêno waranê kultur û hunerî de enstîtu, konservatuwar, wendegeh yan zî yewîneyanê destek-amadeyî û merkezanê caardiş û cigêrayîşî ako; muze, kitabxane, merkezanê arşîvî, dokumantasyonî û bankaya zanayîşî akeno, xebitneno, şêno bibo pardarê înanê ke estê; şêno komîteyan û yewîneyanê komîsyonan yê mişewre û cigêrayîşan virazo; sey kovar, bulten, CD, DVD, fîlm, rojname û kitaban her tewir weşananê nuştekî û dîyayîşkîyan keno yan zî şêno biko. Heyetê îdareyî yê Weqfî, xebatanê seba amancî yê ke cor ra ameyê nuştene ra, goreyê şertanê roje û îmkananê maddîyan yê şexsîyetê hukmî yê Weqfî, şêno vernî bido yewe yan zî çend heban.
MADDEYA 5. KAR Û KIRARÎYÊ KE WEQF ŞÊNO SEBA CAARDIŞÊ XAYEYÊ XO BIKO
Seke maddeya 48. ya Qanûnê Medenî yê Tirkî de ameyo bellîkerdiş Weqf nê xususan de destûrdar û selahîyetdar o: Seba ke bireso xayeya Weqfî bi bexş, wesîyet, herînayîş û kîrakerdiş wayîrbîyayîş û xebitnayîşê malê berdbar û neberdbarî, goreyê hukmanê qanûnanê derheqê weqfan de rotişê çîyanê ke wayîr o, dewrkerdiş û feraxatkerdiş, girewtiş û serfkerdişê hasilatê înan, yew yan zî yewî ra zafêr reyî sermayegozarî de xebitnayîşê yew yan zî yewî ra zafêr malê neberdbar yan zî hasilatê înan yê ke yê Weqfî yê, bi şertê ke duşê babetanê amanc û xizmetê Weqfî nêbo îdarekerdiş û teserufkerdişê malê berdbar û neberdbarî û pereyanê ke bi bexş û wesîyet, bi herînayîş û hawayanê bînan xo rê mal kerdê; girewtişê erjanê berdbaran û amancê Weqfî de şuxulnayîş û rotişê înan; weqfan, şexsîyetanê rastikên û hukmîyan yê zere û teberê welatî yê ke sey amancanê Weqfî xebatan kenê reyde hemkarî kerdene, dezgeh û sazgehanê dewlete ra teber ê bînan ra hetkarî girewtene, seba temînkerdişê na hetkarî viraştişê pêkerdişan; mulkîyet ra teber qebulkerdişê heqanê “eynî”yanê sey “îrtîfaq”, “întîfa”, “sukna”, “ser”, “rehîn”, “îpotek”î yê malê neberdbarî, xebitnayîşê nê heqan; seba hasilatê xo yê ke esto yan zî do bibo û kontratanê ke virazeno û seba rehîn û îpotekê malê berdbar û neberdbarî zî tede girewtışê heme tewir temînatî; qebulkerdışê kefaletanê banka yê ke vîyarenê; seba caardişê babetanê amanc û xizmetê Weqfî demo ke îcab kerd deyngirewtiş; dayîşê kefalet, rehîn, îpotek û temînatanê bînan; ê projeyanê ke goreyê babetanê amanc û xizmetê Weqfî yênê ca yan zî do bêrîn ca û heme tewir xebatan ra hasilat peydakerdiş û bi amancê ke Weqfî rê hasilat temîn bibo akerdişê sazgeh û şîrketanê ekonomîkan yê ke goreyê prensîpanê karnasî yê normalan xebitîyênê; pardarbîyayîşê înanê ke estê; rasterast xebitnayîşê nînan yan zî binê kontrolê xo de bi sazgehdarêk dayîşxebitnayîş; seba caardişê yew yan zî heme babetanê amanc û xizmetê Weqfî, viraştişê kontratanê teşebus, teseruf, wayîrê malî bîyayîş, înşaatan yê faydedar û luzumkerdeyan û sey nînan. Weqfkerdoxî qetîyen nêşênê hasilatê Weqfî ra îstifade bikîn. Hasilatê Weqfî, seba meqsedanê ke bi qanûnê bi numreyê 4721î ameyê qedexekerdiş nêşênê bêrîn xebitnayene. Weqf, sazgehanê perwerdeyî yê ke akerdê û o bi xo xebitneno de tewr tay %10ê kapasîteyî wendekaranê ke qabîlîyetdar î la îmkananê maddî ra mehrum î rê texsîs keno, sazgehanê weşî de zî tewr tay %10ê kapasîteyê xizmet û cilan nêweşanê ke îmkanê înan yê maddî çin ê rê texsîs keno. Bi şertê ke kirarîyê qanûnî bêrîn caardene, Weqf goreyê amancê xo xususanê munasiban de şêno dezgehanê bînan yê cayî û beyaxkîyan de hemkarî biko;
şêno sey hetkarîya pereyan ya veravere, wasita-malzeme, eleman, destek û temînkerdişê zanayîşî heme tewir hetkarî biko û bigîro.
MADDEYA 6. MALESTÊ AWANBÎYAYÎŞÎ YÊ WEQFÎ
Malestê awanbîyayîşî yê Weqfî 300.000,00 LT yê ke awankerdoxan Weqfî rê texsîs kerdê.
MADDEYA 7. ORGANÊ WEQFÎ
Organê Weqfî cêr ra ameyê nawitene.
a)Heyetê Awankerdoxan
b)Heyetê Mutewelî
c)Heyetê Îdareyî d)Heyetê Teftîşî
MADDEYA 8. HEYETÊ AWANKERDOXAN
A-Virazîyayîşê Heyetê Awankerdoxan, Qedîyayîşê Endamî û Pirrkerdişê Endamîya Vengmenda:
a)Virazîyayîşê Heyetê Awankerdoxan, Qedîyayîşê Endamî; Heyetê awankerdoxan, awankerdoxanê Weqfî, endamanê heyetê awankerdoxan yê ke maddeya 21. ya Senedê Weqfî de nameyê înan estê û kesanê ke awanbîyayîşê Weqfî ra pey endamîya heyetê awankerdoxan rê ameyê weçînayîş/qebulkerdiş ra yênê ware. Hûmara endamanê heyetê awankerdoxan nêşêna 100 kesan ra kêmîyêr, 300 kesan ra zafêr bibo.
b)Qedîyayîşê Endamîya Heyetê Awankerdoxan û Pirrkerdişê Endamîya Vengmenda; Endamîya heyetê awankerdoxan, rewşanê mergî, bi sebebê weşî yan zî bi qeraranê dadgehe vîndîkerdişê hêzê temyîzî yan zî îstîfa de, qedîyêna. Eke hûmara heyetê awankerdoxan sebebêk ra bikewo binê 100 kesî, temamkerdişê 100 kesan yê hûmara endaman mecburî yo. La eke heyetê awankerdoxan biwazo, heqê xo esto ke hûmara endaman heta 300 kesî zaf biko. Pirrkerdişê endamîyanê vengmendeyan: Kesê ke bi raya qebulkerdişê 2/3yê heyetê mutewelî teklîf bibîn, eke heyetê awankerdoxan ra tesdîq bigîrîn endamîyê vengmendeyî pirr benê.
c)Ameyîşvurnayîşê Hûmara Endamanê Heyetê Awankerdoxan; Heyetê awankerdoxan şêno hûmara endaman heta 300 kesî zaf biko yan zî tay biko. Ameyîşvurnayîşê hûmara endaman; bi teklîfê 2/3yê heyetê mutewelî û tesdîqê heyetê awankerdoxan mumkun o.
B-Ûsulê Kombîyayîşî û Selahîyetê Heyetê Awankerdoxan:
a)Ûsul û Demê Kombîyayîşê Heyetê Awankerdoxan;
Heyetê awankerdoxan, hîrê (3) serran de reyêk, qerarê heyetê mutewelî ser o, bi vengdayîşê serekê/a heyetê mutewelî bi hawayêko normal kom beno. Kombîyayîşê normalî, goreyê tarîxê kombîyayîşê yewine, şênê hîrê mengî rew yan zî hîrê mengî berey bibîn. Heyetê awankerdoxan, şêno îstîsnayî zî kom bibo. Kombîyayîşo îstîsnayî, eke qerarê vengdayîşê 2/3yê endamanê heyetê mutewelî estbo yan zî eke tewr tay 2/3yê endamanê mevcûdan yê heyetê awankerdoxan serekê/a heyetê mutewelî ra bi hawayêko nuştekî kombîyayîşê îstîsnayî biwazîn, bi vengdayîşê rasterast yê serekê/a heyetê mutewelîyî beno. -Kombîyayîşanê normal û îstîsnayîyan yê heyetê awankerdoxan de, babetanê weçînayîşê heyetê mutewelî yê ke seba ey heyetê awankerdoxan selahîyetdar o, ameyîşvurnayîşê hûmara endamanê heyetê awankerdoxan û qebulbîyayîşê endamîya heyetê awankerdoxan ra teber sewbîna babetan ser o nêşîyêno bêro qiseykerdiş. -Rojeve, ca û saeta kombîyayîşî hetê serekîya heyetê mutewelîyî ra amade benê. Eke nê kombîyayîşê yewine de hûmara endamanê amadebîyeyan bes nêbo, kombîyayîşê dîyine tewr tay hewt rojan ra pey şêno bibo û seba nê kombîyayîşê dîyine ganî endamî bi yew nuşteyo ke tede ca, tarîx û saeta kombîyayîşî nuşte yê bêrîn xeberdarkerdiş; no nuşte yan bi îmzakerdişê endamî/e dest ra endamî/e reseno yan zî bi posteyê elektronîkî, SMS yan zî mektuba teehudkerda tewr tay hewteyêk verê kombîyayîşî endamî/e rê şawîyêno. Bangewazîya ke wasitayanê komunîkasyonî yê ke cor ra nameyê înan nusîyayê ra bi yewe bibo, hukmê teblîxatî de ya. - Hûmara besbîyayîşî ya kombîyayîşê yewinê heyetê awankerdoxan, zafaneyê mutleq yê hûmara endamanê mewcûdan yê fîîlî yo; hûmara besbîyayîşê qerarî zî zafaneyê mutleq yê beşdaran o. Eke kombîyayîşê yewine de zafaneyê mutleq yê hûmara heyetê awankerdoxan amade nêbo, kombîyayîşê dîyine de bîzzat yan zî temsîlen 1/3ê hûmara endaman amade bibo beno, qerar bi zafaneyê mutleq yê beşdaran gîrîyêno. Eke rayî seyyewbînî bibîn, qerarê hetê serekê/a dîwanî vîyareno. Şekilê raydayîşî, eke eksê ey de qerar nêro dayene raydayîşo îşarî yo, la bi şertê ke qerar bêro girewtene ûsulê raydayîşê nimiteyî zî şêno bêro xebitnayene. - Lîsteya amadebîyayeyan ya ke name û peynameyê endamanê beşdarbîyayeyan yê kombîyayîşanê heyetê awankerdoxan tede estê, bi beşdaran danê îmzakerdiş û dosyaya xo de yêna seveknayene. - Kombîyayîşanê heyetê awankerdoxan de endamêk/e şêno/a tena endamêk/e vera wekaleten ray bido/a. - Kombîyayîşê heyetê awankerdoxan hetê dîwanî ra îdare beno, endamê heyetê awankerdoxan nê dîwanî xo mîyan ra anê ware û no dîwan serekêk, wekîlêk serekî/e û di endaman ra yêno ware. - Muzakere û qerarê kombîyayîşê heyetê awankerdoxan, bi zebitnameyêk ke dîwanê serekî imza keno nusîyênê. Qerarê ke zebitnameyî de ca gênê, qedîyayîşê kombîyayîşî de defterê qeraran yê heyetê mutewelî de yênê nuştene û hetê dîwanê serekî ra yênê îmzakerdiş. La zebitnameyê kombîyayîşan dosyayêk de yênê pawitene.
b)Selahîyetê Heyetê Awankerdoxan;
- Weçînayîşê endamanê heyetê mutewelî,
- Ameyîşvurnayîşê hûmara endamanê heyetê awankerdoxan,
- Endamweçînayîşê înanê ke endamîya heyetê awankerdoxan rê teklîf bîyê.
MADDEYA 9. HEYETÊ MUTEWELÎ
A-Virazîyayîşê Heyetê Mutewelî, Dîwanê Serekî û Qedîyayîşê Endamî:
a)Heyetê mutewelî, 25 kesanê ke heyetê awankerdoxan mîyanê xo ra weçînayê ra yêno ware. Wareameyîşê verênî yê heyetê mutewelî dima, her hîrê (3) serran de reyêk, 1/5ê heyetê mutewelî bi tercîh û weçînayîşê heyetê awankerdoxan yêno newekerdiş. Êyê ke sey endamê/a heyetê mutewelîyî ameyê weçînayene, verê ke sey endamî/e tayîn bibîn do waştişnameyêk pêşkêşê heyetê mutewelî bikîn û tede binusîn ke eke heyetê awankerdoxan biwazo endamî ra fek verra danê. Tesbîtkerdişê vurîyayîşê 1/5ê endamanê heyetê mutewelî de verê verkan waştoxî esas gêrîyêna. Naye ra teber rewşanê bi sebebê weşî yan zî bi qeraranê dadgehe vîndîkerdişê hêzê temyîzî yan zî îstîfa de zî endamîya heyetê mutewelî qedîyêna. Eke waştoxî qet çin bîn, bi sebebanê weşî yan zî bi qeraranê dadgehe vîndîkerdişê hêzê temyîzî û îstîfa hûmara endamanê ke do heyetê mutewelî ra bêrîn vetene 1/5 nêresîn, endamê ke bêrîn vetene bi rayanê 2/3yê (17 endamî) heyetê mutewelî tesbît benê. Eke bi nê ûsulî zî merdimî nêşîya qerar bido, bi ûsulê raydayîşê nimitikî êyê/aya ke tewr zaf ray girewtî ra dest pêbeno û çend tenî îcab keno endamîya hende kesan qedîyêna.
b)Kombîyayîşê yewinî yê heyetê mutewelî de, mîyanê endaman ra seba hîrê serran heyetê mutewelîyî rê yew serek/e, yew hetkarê/a serekî/e û yew sekreter/e yênê weçînayene û dîwanê serekî virazîyêno. Her hîrê serran de reyêke weçînayîşê dîwanê serekî newe ra beno. Êyê ke mudetê xo temam bîyo şênê newe ra bêrîn weçînayene.
c)Endamîya heyetê mutewelî, rew şanê merg, îstîfa, bi sebebê weşî yan zî bi qeraranê dadgehe vîndîkerdişê hêzê temyîzî yan zî qedîyayîşê mudetî [û] newekerdişê 1/5ê endaman qedîyêna. Naye ra teber, kesê ke bê mazeretmusnayîş pêdima beşdarê hîrê kombîyayîşanê heyetê mutewelî nêbîn, îstîfakerde hesibîyênê û endamîya înan bê ke qet yew kirarî û îxtar îcab biko, xovero qedîyêna. Kesê ke endamîya înan qedîyaya newe ra sey endamî/e weçînayîşê înan mumkun o. Heta ke hûmara endamanê heyetê mutewelî bikewo 15 kesan, weçînayîşê endaman mecburî nîyo. La kombîyayîşê heyetê mutewelî, nêşêno bi 10 kesan ra kêmîyêr beşdarbîyayoxan bibo. Hûmara endaman ke bîye 15 yan zî hîna tay, endamîyê vengmendeyî hetê heyetê awankerdoxan ra yênê pirr kerdene.
B-Ûsulê Kombîyayîşê Heyetê Mutewelî:
a)Kombîyayîşê normalî yê heyetê mutewelî, rojeve û demo ke heyetê îdareyî tayîn keno de, bi vengdayîşê serekê/a heyetê mutewelî benê.
b)Kombîyayîşê heyetê mutewelî, binê serekîya serekê/a heyetê mutewelî de, hetê dîwanê serekî ra îdare benê. Kombîyayîşo ke serek/e nêşêno/a beşdar bibo, tede hetkarê/a ey/aye serekî keno/a; rewşêka winasî de endaman ra yew sey katibî/e yêno/a weçînayene, seba dîwanê serekî hîrê tenî temam benê.
c)Eke serekê/a heyetê mutewelî û hetkarê/a serekî/e pîya beşdarê kombîyayîşê heyetê mutewelî yê ke silayîya ey bîya nêbîn, endamê heyetê mutewelî mîyanê xo ra hîrê kesan sey yew dîwanê neweyî weçînenê û kombîyayîş hetê nê dîwanî ra îdare beno. La rewşêka winasî de mudetê wezîfeyê dîwanê weçînayeyî, qedîyayîşê kombîyayîşî reyde qedîyêno.
MADDEYA 10. DEMÊ KOMBÎYAYÎŞÊ HEYETÊ MUTEWELÎ Û NÎSABÊ QERARÎ
Heyetê mutewelî, kombîyayîşanê normal û îstîsnayîyan virazeno û nê kombîyayîşî hetê dîwanê serekî ra yênê îdare kerdene. Kombîyayîşê normalî serre de di (2) reyî, bi vengdayîşê serekê/a heyetê mutewelî benê. Nînan ra kombîyayîşo verên, vernîya her dew reyê fealîyetî ra yanî menga çeleyî ra heta peynîya nîsane beno; yê dîyine menga teşrîna verêne ra heta peynîya menga kanûne beno û kombîyayîş seba ke butçeya Weqfî ya dewreyê ameyoxî muzakere bibo û ser o qerar bêro dayene û maddeyê bînî yê rojeve yê ke heyetê îdareyî tesbît kerdê muzakere bibîn û ser o qerar bêro dayene beno. Eke dîwanê serekî û heyetê îdareyî rasterast yan zî heyetê teftîşî bi zebitnameyê vengdayîşî yê bisebeb yê heyetê mutewelî yê seba kombîyayîşî yan zî tewr tay 1/3ê endamanê heyetê mutewelî nuştekî muraceatê serekîya heyetê mutewelî biko, heyetê mutewelî şêno îstîsnayî zî kom bibo. Eke bi rojeve, ca û saeta kombîyayîşî, kombîyayîşê yewine de hûmara endamanê amadebîyeyan bes nêbo, kombîyayîşê dîyine tewr tay hewt rojan ra pey şêno bibo û seba nê kombîyayîşê dîyine ganî endamî bi yew nuşteyo ke tede ca, tarîx û saeta kombîyayîşî nuşte yê bêrîn xeberdar kerdene; no nuşte yan bi îmzakerdişê endamî/e dest ra endamî/e reseno yan bi posteyê elektronîkî yan zî bi poste tewr tay hewteyêk verê kombîyayîşî endamî/e rê şawîyêno.
Hûmara besbîyayîşî ya kombîyayîşê yewinê heyetê mutewelî, zafaneyê mutleq yê hûmara endamanê mewcûdan yê fîîlî yo; hûmara besbîyayîşê qerarî zî zafaneyê mutleq yê beşdaran o. Eke kombîyayîşê yewine de zafaneyê mutleq yê hûmara heyetê mutewelî amade nêbo, kombîyayîşê dîyine, tewr tay 10 endamî amade bibîn beno û qerar bi zafaneyê mutleq yê beşdaran gîrîyêno. Seba kombîyayîşê dîyine, eke şertan de vurîyayîşêko muhîmo ke bibo manîyê kombîyayîşî çin bo reyna bangewazî kerdene îcab nêkena. Seba ke Senedê Weqfî de vurnayîş, rastkerdiş yan zî îlaweyî bibîn û heyetê awankerdoxan rê endamî pêşnîyaz bibîn, hûmara besbîyayîşî ya kombîyayîş û qerarî, hîrê ra dîyê hûmara tame ya endaman a. Lîsteya amadebîyayeyan ya ke name û peynameyê endamanê beşdarbîyayeyan yê kombîyayîşanê heyetê mutewelî tede estê, bi beşdaran danê îmzakerdiş û dosyaya xo de yêna seveknayene. Kombîyayîşanê îstîsnayîyan de, tena rojeva ke kombîyayîş seba aye bîyo muzakere bena, merdim nêşêno rojeve ra teber babetanê bînan ser o pêş nîyaze bîyaro. Kombîyayîşanê heyetê mutewelî de endamêk/e şêno/a tena endamêk/e vera wekaleten ray bido/a. Muzakere û qerarê kombîyayîşê heyetê mutewelî, bi zebitnameyêk ke dîwanê serekî îmza keno nusîyênê. Qerarê ke zebitnameyî de ca gênê, qedîyayîşê kombîyayîşî de defterê qeraran yê heyetê mutwelî de yênê nuştene û hetê dîwanê serekî ra yênê îmza kerdene. La zebitnameyê kombîyayîşan dosyayêk de yênê pawitene.
MADDEYA 11. WEZÎFE Û SELAHÎYETÊ HEYETÊ MUTEWELÎ
Heyetê mutewelî organê qerarî yê tewr berzê Weqfî yo. Selahîyetê heyetê mutewelî cêr ra ameyê nawitene. a)Weçînayîşê heyetê îdareyî,
b)Weçînayîşê heyetê teftîşî,
c)Muzakerekerdiş û etudkerdişê raporanê xebate yê ke heyetê îdareyî yê Weqfî amade keno û raporanê heyetê teftîşî, derheqê pakvetişê (îbraya) heyetê îdareyî de qerar dayene, d)Bê vurnayîş yan zî bi vurnayîş qebulkerdişê layîhayanê mewzûatê zereyî yê Weqfî yê ke heyetê îdareyî do amade biko,
f)Merdim “heqê huzurî” bido yan nêdo endamanê heyetê îdareyî û teftîşî yê ke karmend yan zî karkerê dewlete nîyê, eke bido mîqdarê ney çend bo, tesbîtkerdişê nînan,
g)Eke îcab kerd vurnayîşê Senedê Weqfî û îlawekerdişê çîyan,
h)Derheqê xebata Weqfî de tesbîtkerdişê polîtîkayanê pêroyîyan, i)Weçînayîşê kesanê ke do seba endamîya heyetê awankerdoxan bêrîn teklîf kerdene.
MADDEYA 12. HEYETÊ ÎDAREYÎ
A-Virazîyayîşê Heyetê Îdareyî:
Heyetê îdareyî yê Weqfî, seba ke hîrê serrî wezîfe biko hetê heyetê mutewelîyî ra yêno weçînayene û hewt (7) endamanê esîlan û hewt endamanê cagiran ra virazîyêno. Endambî yayîşê heyetê mutewelî yan zî heyetê awankerdoxan yê zafaneyê endamanê heyetê îdareyî mecburî yo. Bi şertê ke zafane nêbîn teberê Weqfî ra weçînîyayîşê kesan mumkun o. Heyetê îdareyî, weçînayîşî dima, kombîyayîşê xo yê yewinî de bi weçînayîşê serek/e, hetkarê/a serekî/e, sekreterê/a pêroyî û hesabdarî/e wezîfe pare keno.
B-Demê Kombîyayîşê Heyetê Îdareyî û Nîsabê Qerarî:
Heyetê îdareyî, tewr tay menge de reyêk, eke îhtîyac estbo hîna zaf reyî, serekîya serekê/a heyetê îdareyî de kom beno. Demo ke serekê/a îdareyî amade nêbo, hetkarê/a serekî/e wezîfeyê serekîye ano/a ca. Heyetê îdareyî, bi zafaneyê mutleqî yê hûmara temame ya endaman kom beno, bi zafaneyê mutleqî yê beşdaran qerar gêno. Labelê, eke serek/e yan zî hetkarê/a serekî/e amade nêbo kombîyayîşê heyetê îdareyî nêşêno bibo, eke bibo zî qebul nêbeno. Endamo/a ke muxalefetê qeraran biko, şêno/a şerhê muxalefetê xo defterê qeraran de bido nuştene. Qerarê heyetê îdareyî, defterê qeraran -ke noterî tesdîq kerdo- de nusîyenê û hetê endamanê amadeyan ra îmza benê. Endamîya heyetê îdareyî ya endaman yê ke rewşanê sey îstîfa, mergî ra teber bê ke mazereto maqul estbo pêdima beşdarê hîrê kombîyayîşan nêbîyê, yan zî bi sebebanê qanûnîyan heqê endamîya xo vîndî kerdo, xovero qedîyêna.
Heyetê îdareyî, heta ke hûmara endaman bikewo çar kesan şêno bê ke weçînayîş biko demê xo temam biko. Labelê mîyanê çar endamanê mendeyan de eke serek/e yan zî hetkarê/a serekî/e çin bo, heyetê îdareyî yo ke mendo lezkanî, seba kombîyayîşê îstîsnayî yê biweçînayîşî yê heyetê mutewelîyî, venga endaman dano ke heme endamanê heyetê îdareyî newe ra biweçinîn. Bi silayîya heyetê îdareyî yê mendeyî û bi rojeva bi yew madde ya ke derheqê weçînayîşê endamanê heyetê îdareyî de ya, heyetê mutewelî tewr berey mîyanê 30 rojan de kombîyayîşê îstîsnayî virazeno; endamanê heyetê îdareyî yê ke hewt kesî yê û hîrê serrî do nê wezîfeyî bikîn weçîneno. Newe ra weçînîyayîşê endamîya heyetê îdareyî de sînorêk çin o.
MADDEYA 13. WEZÎFE, SELAHÎYET Û BERPIRSÎYARÎYA HEYETÊ ÎDAREYÎ
Heyetê îdareyî, sey organê caardişî yê Weqfî; a-Weqfî temsîl û îlzam keno.
b-Seba ke amancê Weqfî bêrîn ca, çarçewaya wezîfeyanê ke goreyê qanûn û Senedê Weqfî ey ser o yê de teşebusan keno, derheqê nê babetan de qerar dano yan zî înanê ke lazim vîneno tesdîqkerdişê heyetê mutewelî dima ano ca: weqfan yan zî sazgehanê bînan yê sey xo yê ke zere yan zî teberê welatî de yê reyra hemkarî kerdene, endam bîyene, abîyene yan zî gîrîyayena şûbe û temsilkarîyan, awan bîyena sazgeh û pardarîyan, beşdarê awankerdeyan bîyene yan zî înan ra abirîyayene.
c-Şêno heme tewir sazgeh, şîrket û pardarîyan yê ke do bibîn hetkarê caardişê xayeyê Weqfî awan biko, bixebitno, bido xebitnayene yan zî şêno beşdarê pardarîyanê mewcûdan bibo û temsîlkaranê Weqfî yê nînan het weçîneno. Derheqê babetanê heme tewir xebatan yê ke seba amancan, îdareyî, malestî, sazgehan, dezgehanê perwerdeyî û şûbeyan îcab kenê, qerar dano û ano ca.
d-Heme hazirî û organîzeyanê ke seba kombîyayîşê normal û îstîsnayî yê heyetê mutewelî lazim î keno, wextê xo de û bêkêmane bîyayena kombîyayîşî temîn keno.
e-Eke îhtîyac estbo, seba ke Senedê Weqfî de vurîyayîşî bibîn pêşnîyazan amade keno, tesdîqê heyetê mutewelî gêno û muameleyanê bînanê ke îcab kenê ano ca.
f-Seba ke heme malestê Weqfî bi hawayêko tewr berdar bêro xebitnayene û seba ke Weqfî rê ameye bêro temîn kerdene heme tewir xebatan keno, dano kerdene.
g-Raporanê xebate, bîlançoyan, tabloyanê ameye-şîyayeyî, cetwelanê kar/zerarî yê Weqfî û sazgehanê ekonomîkan yê ke girêdayeyê Weqfî yê, yê dezgehanê perwerdeyî û butçeya texmînî amade keno û pêşkêşê tesdîqê heyetê mutewelî keno.
h-Seba heme tewir hetkarîya sosyale, bûrs, texsîsê kontenjanê bêdestmizî, xelate û xebatanê sey nînan ra ke amancê Weqfî de ca gênê û ganî senînîye û şertê înan bêrîn bellî kerdene, talîmatnameyan vejeno û ano ca, înanê ke îcab kenê pêşkêşê tesdîqê heyetê mutewelî keno, dima ano ca.
ı-Seba dezgehanê perwerde-banderîye yê ke Weqfî awan kerdê yan zî do biko, seba sazgehanê ekonomîkan, şûbe û sazgehanê sey nînan talîmatnameyanê ke esas û metodanê xebate tesbît kenê amade keno; eke îcab biko pêşkêşê tesdîqê mercîyan keno û ano ca.
i-Goreyê teşkîlatê îdarî û îhtîyacanê Weqfî û sazgehanê ey, seba karî girewtişê xebitîyayoxan, tesbîtkerdişê unvananê înan, destmizê înan, serûberîya karî û qedênayîşê têkilîya înan ya karî û babetanê sey nînan talîmatnameyanê ke prensîp û esasan tesbît kenê amade keno û ano ca; înanê ke îcab keno pêşkêşê tesdîqê heyetê mutewelî keno.
j-Seba amanc û xebatanê Weqfî, herînayîş, rotiş, “rehîn” yan zî “îpo tekkerdiş”ê neberdbaran û awan û qebulkerdişê texsîsê bîna, yan zî erazî, eresaya xezîna, beledîyeyan, weqfan yê heme dezgeh û sazgehanê amîya û heme neberdbaran ser o kirarîyanê temînkerdişê heqanê “eynî”yanê bînan keno û resneno netîce.
k-Selahîyet yan zî wekîlîya sînorkerda dano kes yan zî kesan ke dawayanê ke leh yan zî duşê Weqfî de abibîn taqîb bikîn, sazgehanê ekonomîkan, dezgehanê perwerdeyî û kursanê ke Weqf do awan biko de û heme karanê sey nînan de, dezgeh û sazgehanê amîya û xususîyan û heme mercîyanê eleqedaran de nameyê heyetê îdareyî ser o hereket bikîn û kirarîyan bikîn.
l-Heyetê îdareyî, mîyanê sîstemêkê arşîvî yê biserûberî de seveknayîşê heme dokumananê ke derheqê kar û kirarîyanê Weqfî de yê temîn keno û seba ney tedbîran gêno, dano girewtene. m-Seba ke teftîşkerî bişêyîn asan bixebitîn û bi asanî dokumananê teftîşî biresîn heme tewir tedbîran gêno, dano girewtene. Bi kilmî heyetê îdareyî, wezîfeyanê xo yê ke cor ra nusîyayê het wezîfe û selahîyetanê xo yê ke Senedê Weqfî û heme mewzûatê eleqedarî de ameyê bellîkerdiş de, teseruf û fealîyetanê xo yê ke ameyeyan û malê Weqfî ser o yê de û kirarîyanê xo yê huqûqîyan de selahîyetdar o ke mîyanê sînoranê wezîfe û selahîyetanê xo yê ke maddeya 48., 49. û 50. ya Qanûnê Medenî Yê Tirkan de nusîyayê de bigureno.
MADDEYA 14. TEMSÎLÊ WEQFÎ
Weqfî, heyetê îdareyî temsîl keno. Heyetê îdareyî, rewşanê îcabkerdeyan de şêno nê selahîyetê xo yê temsîlkarîye, bi destê serekê/a heyetê îdareyî yan zî hetkarê/a ey/aye zî bigureno. Heyetê îdareyî, îcabê rewşa karî yan zî rewş û babetanê bellîyan reyra çarçewaya esas û ûsulê ke dîyar keno de şêno endaman yan zî xebatkaranê xo derheqê her babeta ke xebata Weqfî reyra eleqedar a de selahîyetdar biko yan zî selahîyeto ke dayo înan pey de bigîro. Babetanê ke do Weqfî bikîn binê deyn yan zî teehhudî de, bi şertê ke înan ra tewr tay kesêk/e serekê/a heyetê îdareyî yan zî hetkarê ey/aye bo, şêno selahîyetê îmzaya muştereke bidîyo di kesan.
MADDEYA 15. HEYETÊ TEFTÎŞÎ
Heyetê teftîşî, organêk o ke seba ke qerar û kar û kirarîyanê heyetê îdareyî teftîş biko û derheqê goreyê mewzûatî û amancanê Weqfî de bîyayîş û nêbîyayîşê nînan de rapor û melumat bido heyetê mutewelî ronîyayo. Heyetê teftîşî, hîrê (3) endamanê ke heyetê mutewelî mîyanê endamanê xo ra yan zî teber ra weçîneno ra yêno ware. Demê wezîfeyê heyetî hîrê (3) serrî yo. Seba endamanê heyetê teftîşî destmiz yêno dayene yan ney û eke yêno dayene mîqdarê ey hetê heyetê mutewelî ra tesbît beno. Heyetê mutewelî şêno nê selahîyetê xo dewrê heyetê îdareyî biko. Heyetê teftîşî, goreyê mewzûatê mewcûdî heme xebatan û ameye û şîyayeyan teftîş keno ka goreye ûsul û qeraran î yan ney û derheqê nînan de heyetê mutewelî rê rapor nuseno. Şêno hesabanê Weqfî bi hawayêko perîyodîk etud biko. Balantişanê ke îcab kenê, resneno heyetê îdareyî. Heyetê teftîşî raporê xo yê serraneyî seba ke tewr tay 15 rojî verê kombîyayîşê normal yê heyetê mutewelî pêşkêşê tesdîqê heyetê mutewelî biko, resneno heyetê îdareyî. Heyetê teftîşî; peynîya teftîşî de, eke xususanê ke hetê maddî ra Weqfî ser o zaf tesîro muhîm bikîn bi dokumanan yê delîlanê muteber û pêtan tesbît biko, na rewşe peşnîyaze reyra bi rapor yan zî zebtnameyêk, goreyê senînîya serebûtî yan îmza vera dano heyetê îdareyî yan rasterast tarîxê kombîyayîşê heyetê mutewelî de dano dîwanê serekî yan zî eke îcab biko dano Mudîrîya Pêroyî ya Weqfan ke meqamê teftîşî ya. Heyetê teftîşî, 1 çele-31 kanûne ke dewreyê xebate ya malî ya Weqfî yo de teftîş keno û rapor tenzîm keno. La eke luzum bivîno her dem şêno teftîş biko û raporê xo biresno heyetê eleqedarî.
MADDEYA 16. HEQÊ HUZURÎ
Merdim “heqê huzurî” yan zî destmiz bido yan nêdo endamanê heyetê îdareyî û teftîşî yê ke karmend yan zî karkerê dewlete nîyê, eke bido mîqdarê ney çend bo, nînan heyetê mutewelî dîyar keno.
MADDEYA 17. AMEYEYÊ WEQFÎ Û HAWAYÊ TEXSÎSKERDIŞÊ AMEYEYANÊ XO
a-Çimeyê Ameyeyanê Weqfî nê yê:
-Kîra, “temettu”, para ameyeyî û ameyeyanê sey nînan yê ke malê berdbar û neberdbar û erjanê berdbaran yê Weqfî ra temîn benê,
-Heme tewir bexş û heqê bişert û bêşert yê ke girêdayeyê merdişî yê yan zî nîyê û goreyê babetanê amanc û xizmetê Weqfî yê, (Heyetê îdareyî selahîyetdar o ke bexş û heqanê ke munasib nêvîneno qebul nêko û bexş û heqanê ke munasib vîneno zî goreyê faydeyê Weqfî bi hawayêkê tewr munasib qebul biko)
-Ameyeyê ke Weqf do bi organîzekerdişê gêrayîş, nawitiş, kermes, şayî, sempozyum, panel û aktîvîteyanê sey nînan ra û kitab, kovare, rojname û heme tewir weşananê sey nînan yê ke do biweşano ra temîn biko,
-Ameyeyê ke do sazgehanê ekonomîkan, şîrketan û pardarîyan yê ke Weqf seba caardişê babetanê amanc û xizmetê xo yan zî tena seba xodestvistişê ameyeyî awan keno ra û xebatanê îştîrakî ra temîn biko.
b-Hawayê Texsîskerdişê Ameyeyanê Xo:
-Tewr tay hîrê ra dîyê (2/3) ameyeyanê brut yê ke Weqfî mîyanê yew dewreyê xebate de temîn kerdî seba amancê ey, yê mendeyî seba domnayîşê Weqfî şîyayeyanê îdareyî rê xerc benê. Labelê, seba caardişê amancê Weqfî eke proje yan zî projeyê ke bi çimeyê ameyeyan yê çend dewreyanê xebate reyra yêno/ yênê ca estbîn, mecburîyetê xerckerdişê 2/3yê ameyeyan çin o. Na rewşe de, seba caardişê projeyî/projeyan, şêno yew fon abibo û ameyeyê mîyanê dewreyê xebate ra (bexşanê şertinan ra teber), mîqdaro ke îhtîyac esto debibo hesabê nê fonî ser, fînansmanê projeyê hedefkerdeyî de bêro xebitnayene.
-Eke hîrê ra dîyê ameyeyê yew dewreyê xebate sebebanê zerûrîyan ra seba amancî xerc nêbo, qismo ke xerc nêbîyo, neqlê dewreyê xebate yê ke dima yêno beno, ê dewreyî de seba amancî xerc beno. c-Xebitnayîşê Ameyeyan û Malî de Prensîpo Bingeyên: Malest û ameyeyê Weqfî, nêşenê teberê amancê Weqfî û xebata caardişê nê amancî de bêrîn xerckerdiş, nêşênê seba menfeetê bexşkerdoxan û wezîfedaranê organanê îdareyî bêrîn gurenayene.
MADDEYA 18. VURÎYAYÎŞÊ SENEDÎ YO RESMÎ
Vurînayîşê Senedê Weqfî, bi şertê ke nê vurînayîşî goreyê hukmanê bînan yê Senedê Weqfî bibîn, bi pêşnîyaza heyetê îdareyî û tesdîqê hîrê ra dîyê (2/3) hûmara tame ya endamanê heyetê mutewelî dima, bi caardişê prosedurê îcabkerdeyî mumkun o.
MADDEYA 19. PEYNÎPIROAMEYÎŞÊ WEQFÎ
Eke caardişê babetanê amanc û xizmetê Weqfî êdî bêîmkan bo yan zî sewbîna sebebî vejîyê meydan, bi pêşnîyaza heyetê îdareyî û qerarê hîrê ra dîyê (2/3) hûmara tame ya endamanê heyetê mutewelî, şêno qerar bêro dayîş ke seba peynîpiroardişê şexsîyetê hukmî yê Weqfî, Mehkemeya Huqûqî ya Eslîye ya eleqedare de dewa bêro akerdiş. Eke qerarê vilakerdişê Weqfî bêro dayîş, heqê ke Weqf wayîr o û heme malestê ey, bi tesdîqê heyetê mutewelî dewrê weqfan ra yew weqfî benê ke xayeyê ey minasib o.
MADDEYA 20. AWANKERDOXÊ WEQFÎ
Name û peynameyê awankerdoxanê Weqfî cêr ra nusîyayê.
1)Mehmet Selim ÖLÇER
2)Mehmet Beşir YILMAZ
3)Emine Filiz BEDİRHANOĞLU
4)Mahmut TOĞRUL
5)Mehmet DURSUN
6)Mehmet Erkan AZİZOĞLU
7)Mehmet KAYA
8)Mehmet VURAL
9)Mehmet Mesut ÖZTÜRK
10)Özlem ANLI
11)Ramazan TUNÇ
12)Sedat YURTDAŞ
13)Adnan Selçuk MIZRAKLI
14)Semra AZİZOĞLU
15)Yiğit Ali EKMEKÇİ
16)Osman BAYDEMİR
MADDEYA 21. HEYETÊ AWANKERDOXAN YÊ WEQFÎ
Heyetê awankerdoxan yê Weqfî, kesanê ke nameyê înan cêr ra nuşte yê ra yêno ware.
A. Kadir MASKAN
Ali KARAKAŞ
Abdullah AKENGİN
Alpaslan TUZCU
Abdullah ALTINTAŞ
Altan TAN
Abdullah DEMİRBAŞ
Amed Alan MARDİN
Abdullah KARATAY
Aslı ODMAN
Abdullah SESSİZ
Ayhan S. IŞIK
Abdurrahim AY
Ayşe AKBAŞ
Abdurrahman ÖNEN
Ayşe BABAN
Adem AVCIKIRAN
Ayşe CENGİZ
Ahmet CENGİZ
Ayşe MEŞE TANRIKULU
Ahmet GÖKSOY
Ayşegül DOĞAN
Ahmet GÜNEŞTEKİN
Azime KUTLAY
Ahmet KESKİN
Aziz KARAKAŞ
Ahmet KOÇ
Aziz YAŞAN
Ahmet ÖNAL
Bahar Şahin FIRAT
Ahmet TÜRK
Bahattin TAMAN
Ahmet YALINKAYA
Bahri ÇAKABEY
Ahmet YEMAN
Bakır İNANÇ
Ahmet YILDIRIM
Bekir AĞIRDIR
Akın BİRDAL
Beşir SANSÜR
Alev ER
Bircan TURAN
Ali Cenap AKTURAN
Burç BAYSAL
Ali Ferruh AKAY
Buşra ERSANLI
Ali İhsan PARLAK
Canip YILDIRIM
Cebrail Kısa
Gençay GÜRSOY
Celal AKTAŞ
Gülistan SARIBAŞ
Cemal MERCAN
Gülten KAYA
Cengiz ÇANDAR
Günay GÖKSU ÖZDOĞAN
CEVDET ŞANİOĞLU
Hacı ÇİFTÇİ
Cihan AKGÜL ÖZMEN
Hadi NEZİR
Çetin KOTAN
Hafit BALYEN
Çeto ÖZEL
Haluk EKİNCİ
Davut ÖKÜTÇÜ
Hamit SÜMER
Defne ASAL
Harun ERCAN
Deniz GÖKALP
Hasan GÜNEŞ
Doğan YILDIRIM
Hasan ŞEKER
Ecehan BALTA
Haşim HAŞİMİ
Ekrem BİLEK
Hikmet BOZÇALI
Emel KURMA
Hikmet BOZYEL
Emin BALTAŞ
Hikmet CAN
Emine Filiz BEDİRHANOĞLU
Hikmet TUNÇ
Emine MEŞE
Hüseyin BEKTAŞ
Emrullah CİN
Hüsnü ALTUN
Engin YEŞİL
Hüsnü ÖNDÜL
Ercan TAYINLAMAK
İbrahim ÇERİMLİ
Erdal BULĞAN
İbrahim GÜRBÜZ
Erol HANÇER
İhsan AY
Evin Eren
İlhan DİKEN
Eyüp BURÇ
İmam TAŞÇIER
Fahrettin ÇAĞDAŞ
İrfan AÇIKGÖZ
Fahri KARAKOYUNLU
İsa TEKİN
Fahri ÖLÇER
İsmail AYDIN
Faik BULUT
İsmail BEŞİKÇİ
Faruk BALIKÇI
İsmail ÇELİK
Faruk TÜRK
Jini GÜNEŞ
Fatma GÖK
Kadri YILDIRIM
Faysal BALABAN
Kasım ERGÜN
Fehim IŞIK
Kemal BÜLBÜL
Ferda CEMİLOĞLU
Kemal GÜVEN
Ferda ÖNEN
Kemal PARLAK
Ferhat KARATAŞ
Kemal YÜKSEL
Ferhat KENTEL
Kenan ÇELİK
Feride AKSU
Kutbettin ALTUN
Feridun ÇELİK
M. Hasan EKEN
Feridun YAZAR
M. Kasım FIRAT
Fikri KUTLAY
M.Emin AKTAR
Filiz İPEKYÜZ
M.Salih ÖZGÖKÇE
Füsun ÜSTEL
Mahmut ABDÜLSEMETOĞLU
Gafur TÜRKAY
Mahmut EKİNCİ
Gamze CİZRELİ
Mahmut İLHAN
Mahmut METİN
Murat YALÇIN
Mahmut ODABAŞI
Mustafa ASLAN
Mahmut ORTAKAYA
Mustafa ÇELİK
Mahmut TOĞRUL
Mustafa OKAY
Mashar ZÜMRÜT
Mustafa ÖZÇELİK
Maya ARAKON
Mustafa ÖZER
Mehmet Ali ADIGÜZEL
Mustafa YURTDAŞ
Mehmet Ali DENİZ
Müslüm COŞKUN
Mehmet AYDIN
Naci KUTLAY
Mehmet AYHAN
Naci SAPAN
Mehmet Beşir YILMAZ
Nadire MATER
Mehmet BOZYEL
Naif BEZWAN
Mehmet DEMİR
Nazan ÜSTÜNDAĞ
Mehmet DURSUN
Nazım EKİNCİ
Mehmet EKİNCİ
Nebahat AKKOÇ
Mehmet Emin EKMEN
Necdet ATALAY
Mehmet Erkan AZİZOĞLU
Necdet İPEKYÜZ
Mehmet GEMSİZ
Necmettin PİRİNÇÇİOĞLU
Mehmet KAYA
Nesrin UÇARLAR
Mehmet Nuri ÖZBEK
Nevin SOYUKAYA
Mehmet ÖZKAN
Nuran YILMAZ
Mehmet Selim ÖLÇER
Nurcan Baysal
Mehmet Sıddık KURUL
Nurcan KAYA
Mehmet Şerif CAMCI
Nurşen GÜRBOĞA
Mehmet Tahir GÖKDEMİR
Nükhet SİRMAN
Mehmet TAŞ
Oktay AY(Welat AY)
Mehmet TAYFUN
Onur HAMZAOĞLU
Mehmet VURAL
Osman BAYDEMİR
Mesut AZİZOĞLU
Osman KAVALA
Mesut BEŞTAŞ
Ömer LAÇİNER
Mesut ÖZTÜRK
Önder ATLI
Mesut YEĞEN
Özcan OĞURLU
Metin BAKKALCI
Özen TEKİN
Metin KILAVUZ
Özlem SEZGİN ANLI
Mıgırdıç MARGOSYAN
Raci BİLİCİ
Mihdi PERİNÇEK
Raif TÜRK
Mine DERİNCE
Ramazan DANIŞ
Mithat SANCAR
Ramazan TUNÇ
Muhammet GÖZÜTOK
Remzi ÖCAL
Muharrem ERBEY
Reşit CANTÜRK
Muhittin KARAÇAVUŞOĞLU
Rıdvan ŞEŞEN
Muhsin BİLAL
Ronayi ÖNEN
Murat BELGE
Ruşen ARSLAN
Murat KIZIL
S. Süreyya ÖNDER
Murat ORAK
Sabri Sami YILMAZ
Murat VAN ARDELAN
Sabri TEKİN
Salih KARADAĞ
Şerif DERİNCE
Sedat KAYA
Şeyhmus DİKEN
Sedat YURTDAŞ
Şis Yusuf BEREKATOĞLU
Selahattin CENGİZ
Şivan PERWER
Selahattin ÇOBAN
Şükrü GÜLER
Selahattin ESMER
Tahir ELÇİ
Selahattin KATAR
Talat İNANÇ
Selçuk MIZRAKLI
Tarık Ziya EKİNCİ
Sema KILIÇER
Turgut TARHANLI
Semra AZİZOĞLU
Uğur IŞIK
Serdar ONAT
Vahap COŞKUN
Sertaç BUCAK
Vedat ÖZÇELİK
Sevgi KAVAK
Veysi HİZAL
Sevtap YOKUŞ
Yakup GABRİEL
Seyfullah TEKİN
Yasin CEYLAN
Sharro İbrahim GARİP
Yaşar SARI
Sırrı SAKIK
Yavuz ÖNEN
Sidar GÜLEN
Yıldız CEMİLOĞLU
Songül CAN
Yıldız UÇAR
Suat BÜKÜN
Yılmaz ENSAROĞLU
Suat ÖNEN
Yiğit Ali EKMEKÇİ
Suzan SAMANCI
Yurdusev ÖZSÖKMENLER
Süleyman Kızıl
Yusuf KORKMAZ
Şebnem KORUR FİNCANCI
Yüksel AVŞAR
Şehmus ÖZMEN
Zeki EVLİYAOĞLU
Şemsa ÖZAR
Zeynep GAMBETTİ
Şemsettin KOÇ
Zozan UZUN
Şeref AKGÜN
HUKMÊ MUWEQETÎ:
Maddeya Muweqete ya 1. Heta kombîyayîşê yewin yê heyetê mutewelî, heyetê îdareyî yo muweqet endamanê esîl û cagiranê ke nameyê înan cêr ra nuşte yê ra yêno ware.
Endamên Esil:
1) Mehmet Selim ÖLÇER
2) Semra AZİZOĞLU
3) Emine Filiz BEDİRHANOĞLU
4) Mehmet KAYA
5) Sedat YURTDAŞ
6) Mehmet VURAL
7) Mahmut TOĞRUL
Endamê Cagirî:
1) Adnan Selçuk MIZRAKLI
2) Mehmet Erkan AZİZOĞLU
3) Mehmet DURSUN
4) Mehmet Mesut ÖZTÜRK
5) Mehmet Beşir YILMAZ
6) Özlem ANLI
7) Ramazan TUNÇ
Heyetê îdareyî yo muweqet, mukellef o ke tarîxê tescîlbîyayîşê Weqfî dima tewr berey mîyanê di mengan de heyetê awankerdoxan dawetê kombîyayîşî biko.
Maddeya Muweqete ya 2. Heyetê awankerdoxan, qebulbîyayîşê şexsîyetê hukmî yê Weqfî dima mîyanê di mengan de kombîyayîşê xo yê yewine de 25 endamanê heyetê mutewelî weçîneno. Heyetê mutewelî weçînîyayîşê xo dima tewr berey mîyanê 15 rojan de kombîyayîşê xo yê yewine keno, dîwanê serekî yê heyetê mutewelî û endamanê heyetê îdareyî û heyetê teftîşî yê Weqfî weçîneno.
Maddeya Muweqete ya 3. Seba ke Mehkemeya Huqûqî ya Eslîye ya selahîyetdare de dewa ako û taqîb biko ke no Senedê Weqfî tescîl bibo û prosesê kirarîyanê tescîlkerdişî de eke îcab kerd Senedê Weqfî yê Resmî de kirarîyanê vurînayîş yan zî rastkerdişî bido kerdiş Sedat YURTDAŞ sey selahîyetdarî qebul bîyo.